Wednesday, 21 February 2018 09:26

YANGON RAILWAY STATION

ရန်ကုန်ဘူတာကြီး ဘက်စုံစီမံကိန်း တည်ဆောက်ရန် ကနဦးအဆင့် တင်ဒါချပေ

ရန်ကုန်ဘူတာကြီးဧရိယာ ဘက်စုံဖွံ့ဖြိုးရေး စီမံကိန်းဆောင်ရွက်ဖို့အတွက် ကနဦးအဆင့် တင်ဒါ အောင်မြင်သူ (Preferred Bidder) အဖြစ် စင်ကာပူနိုင်ငံမှာ စာရင်းသွင်းထားတဲ့ Oxley Holdings ပါဝင်တဲ့ ကုမ္ပဏီအုပ်စုတစ်ခုကို ရွေးချယ်ခဲ့ကြောင်း သိရပါတယ်။

မြန်မာနိုင်ငံမှ မင်းဓမ္မကုမ္ပဏီနဲ့ တရုတ်နိုင်ငံမှ Sino Great Wall ကုမ္ပဏီတို့ ပါဝင်တဲ့ ၎င်းတို့၏ ကုမ္ပဏီ အုပ်စုကို စီမံကိန်းအတွက် ရွေးချယ်ခြင်းခံခဲ့ရကြောင်း စင်ကာပူ စတော့အိတ်ချိန်းမှာ စာရင်းသွင်းထားတဲ့ Oxley Holdings ကုမ္ပဏီက ဖေဖော်ဝါရီလ ၁၄ ရက်နေ့ ညပိုင်းတွင် ကြေညာခဲ့တာဖြစ်ပါတယ်။

ကြေညာချက်ထဲမှာတော့ Oxley Holdings ကုမ္ပဏီက ၎င်းတို့ကုမ္ပဏီအုပ်စုကို တင်ဒါချထားကြောင်း ဇန်နဝါရီလ ၃၀ ရက်နေ့က ပြုလုပ်ခဲ့တဲ့ အစိုးရ အဖွဲ့အစည်းအဝေးတစ်ခုမှာ ဆုံးဖြတ်ခဲ့ပြီး မြန်မာ့မီးရထား ဦးဆောင်ညွှန်ကြားရေးမှူး ဦးထွန်းအောင်သင်းက ဖေဖေါ်ဝါရီလ ၁၄ ရက်နေ့တွင် လက်မှတ်ထိုး အကြောင်းကြားခဲ့သည်ကိုလည်း ပူးတွဲဖော်ပြထားတာဖြစ်ပါတယ်။ တွေ့ဆုံ ညှိနှိုင်းဆွေးနွေးမှုတွေ ပြုလုပ်မယ့်ရက်ကို မြန်မာ့မီးရထားက Oxley Holdings ကို မကြာမီ အကြောင်းကြားသွားမယ်လို့လည်း အဆိုပါ စာမှာ ဖော်ပြထားတယ်လို့ ဆိုပါတယ်။

Sino Great Wall ကုမ္ပဏီက ဘေဂျင်းအခြေစိုက် ဆောက်လုပ်ရေး လုပ်ငန်းတစ်ခု ဖြစ်ပြီး Shenzhen စတော့အိတ်ချိန်းမှာ စာရင်းသွင်းထားတာဖြစ်ပါတယ်။ မင်းဓမ္မကုမ္ပဏီက တရုတ်-မြန်မာ စီးပွားရေး လုပ်ငန်းရှင် တစ်ဦးဖြစ်သည့် ဦးရန်ဟို (Yang Ho) ပိုင်ဆိုင်တဲ့ Mottama Holdings ကုမ္ပဏီရဲ့ လုပ်ငန်းခွဲတစ်ခု ဖြစ်ကြောင်း Frontier Myanmar စီးပွားရေးမဂ္ဂဇင်းရဲ့ အဆိုအရ သိရပါတယ်။

ကန်ထရိုက်ချထားပေးခြင်းက ညှိနှိုင်းဆွေးနွေးမှုတွေနဲ့ ဥပဒေရေးရာ အစီအစဉ်တွေ ပြီးစီးမှုပေါ်မှာ မူတည်ကြောင်း Oxley Holdings က ဖေဖော်ဝါရီလ ၁၄ ရက်နေ့မှာ ပြောကြားခဲ့ပါတယ်။ စီမံကိန်းက ရထားနဲ့ လူအမြောက်အများ ခရီးစဉ် ကူးပြောင်းသွားလာနိုင်မှု ပေါင်းစပ်ထားတဲ့ သယ်ယူပို့ဆောင်ရေး အချက်အခြာ နေရာသစ်တစ်ခုကို အိမ်ယာ၊ စီးပွားရေး အဆောက်အဦတွေနဲ့ ဝိုင်းရံထားတဲ့ ဖွံ့ဖြိုးရေး စီမံကိန်း တစ်ခု ဖြစ်ပါတယ်။

၂၅.၇ ဟက်တာ (၆၃.၅ ဧက) ကျယ်ဝန်းတဲ့ မြေပေါ်မှာ အကောင်အထည်ဖော်မှာဖြစ်ပြီး စီမံကိန်း အဆောက်အဦတွေရဲ့ အသားတင် ကြမ်းခင်း ဧရိယာမှာ စတုရန်းမီတာ ၁.၁ သန်း ဖြစ်ပါတယ်။ Oxley Holdings က ထုတ်ပြန်ထားတဲ့ သရုပ်ဖော်ပုံစံမှာတော့ တောင်ဘက်တွင် ဗိုလ်ချုပ်အောင်ဆန်းလမ်း၊ မြောက်ဘက်တွင် ဗိုလ်မင်းရောင်လမ်း၊ အနောက်ဘက်တွင် ဆူးလေဘုရားလမ်းနဲ့ အရှေ့ဘက်တွင် သိမ်ဖြူလမ်းတို့နဲ့ ပိုင်းခြားထားတဲ့ ဧရိယာအတွင်းမှာ အထပ် ၂၀ ခန့်မြင့်မယ့် အထပ်မြင့် အဆောက်အဦတွေကို တွေ့ရပါတယ်။

Source: The Irraweddy _ Burmese Edition

Read 1975 times Last modified on Wednesday, 21 February 2018 09:45
Rate this item
(0 votes)