စစ်တွေမြို့သည် ရခိုင်ပြည်နယ်၏ မြို့တော်ဖြစ်ပြီး အရေးပါလှသည့် ပင်လယ်နှင့် မြစ်ဆိပ်ကမ်းမြို့တစ်ခု ဖြစ်ပါတယ်။ မြန်မာဘုရင် ဘိုးတော်ဘုရားက ရခိုင်ဒေသကို
ဝင်ရောက်သိမ်းပိုက်စဉ်က စစ်တွေသည် တိုက်ပွဲဖြစ်ပွားရာနယ်မြေဖြစ်ခဲ့ပြီး မြန်မာနိုင်ငံရှိ ဗြိတိသျှအုပ်စိုးမှုကို ပထမဆုံးစတင်ဆန့်ကျင်ခဲ့သည့် ဆရာတော်ဦးဥတ္တမ၏ မွေးရပ်မြေလည်းဖြစ်ပါတယ်။
စုစုပေါင်း လူဦးရေ ၁၄၇၈၉၉ ကျော်ရှိပြီး ဆန်၊ အုန်းသီးနှင့် ဆီအုန်း အဓိကပါဝင်သည့် စိုက်ပျိုးရေးလုပ်ငန်းတွေကို လုပ်ကိုင်ကြပါတယ်။
အိန္ဒိယနိုင်ငံမှ စစ်တွေတွင် အထူးစီးပွားရေးဇုံတစ်ခု စတင်ရန် စီစဉ်နေပြီး စစ်တွေဆိပ်ကမ်းကိုလည်း တန်ချိန် ၂၀၀၀၀ သင်္ဘောကြီးများ ဆိုက်ကပ်နိုင်သော ဆိပ်ကမ်းတစ်ခုဖြစ်လာစေရန် ရန်ပုံငွေ ထောက်ပံ့ပေးနေကြောင်း သိရပါတယ်။
ပို့ဆောင်ရေးလမ်းကြောင်းများအနေဖြင့် ကုလားတန် ဘက်စုံသုံး သယ်ယူပို့ဆောင်ရေးစီမံကိန်းကို ၂၀၁၅ ခုနှစ် မေလတွင် ပြီးစီးခဲ့ပြီး မြန်မာနိုင်ငံ စစ်တွေဆိပ်ကမ်းနှင့် အိန္ဒိယနိုင်ငံအရှေ့ဘက်ခြမ်းမှ ပင်လယ်ဆိပ်ကမ်းဖြစ်သည့် ကာလကတ္တားသို့ ပင်လယ်ရေကြောင်းလမ်းမှ ချိတ်ဆက်နိုင်ပြီဖြစ်ပါတယ်။ စစ်တွေ ဆိပ်ကမ်းက ကုလားတန်မြစ်ကြောင်းသယ်ယူပို့ဆောင်ရေးလမ်းကြောင်းကို လာရှိုးမြို့နှင့်လည်း ချိတ်ဆက်သွားမှာ ဖြစ်ပါတယ်။
စစ်တွေမြို့ရှိ လေ့လာလည်ပတ်စရာနေရာများကတော့ ရွှေစေတီဘုန်းတော်ကြီးကျောင်း၊ Viewpoint၊ စစ်တွေကမ်းခြေ၊ လက်ဝဲသလုံးတော်ဓာတ်စေတီ (အကျပ်တော်တောင် စေတီ) တို့ဖြစ်ပါတယ်။