ဘားအံမြို့သည် ကရင်ပြည်နယ်၏ မြို့တော်ဖြစ်ပြီး ထိုင်းနှင့် မြန်မာကိုဆက်သွယ်ထားသည့် အရှေ့-အနောက် စီးပွားရေး
စင်္ကြန်လမ်းပေါ်တွင် တည်ရှိသောကြောင့် အချက်အချာကျပြီး ထိုင်းနယ်စပ်နှင့်လည်း နီးကပ်စွာတည်ရှိနေပါတယ်။
တိုက်ပွဲများရှိနေစဉ်ကာလက ကန့်သတ်နယ်မြေအဖြစ် သတ်မှတ်ခံထားရသော်လည်း ယခုအခါ စီးပွားရေး၊ ကုန်သွယ်ရေးနှင့် ခရီးသွားလုပ်ငန်းများ ပွင့်လင်းလာပြီ ဖြစ်ပြီး လူဦးရေ စုစုပေါင်း ၇၈၃၅၁၀ ကျော် နေထိုင်ကြပါတယ်။
အဓိကစီးပွားရေးအဖြစ် စိုက်ပျိုးရေး လုပ်ကိုင်ကြပြီး ဆန်၊ မြေပဲ၊ ပဲ၊ ကော်ဖီနှင့် လက်ဖက်တို့ကို အဓိကသီးနှံများအဖြစ် စိုက်ပျိုးကြပါတယ်။ အထည်ချုပ်လုပ်ငန်းမှာလည်း ကျယ်ပြန့်လာပြီး ဘိလပ်မြေ စက်ရုံများနှင့် ထုံးကျောက်ထုတ်လုပ်ရေးလုပ်ငန်းများ၊ ရာဘာစိုက်ခင်းများ၊ ခရီးသွားလုပ်ငန်းများလည်း ယင်းကဲ့သို့ပင် တိုးချဲ့လာနေကြပြီ ဖြစ်ပါတယ်။ အနာဂတ်ကာလတွင် ဘားအံမြို့သည် ကုန်စည်သယ်ယူ ပို့ဆောင်ရေးအချက်အခြာနေရာ နှင့် ကုန်ထုတ်လုပ်ငန်းများ အခြေစိုက်ရာနေရာဖြစ်လာဖွယ်ရှိပါတယ်။
ဧက ၁၀၀၀ ခန့်ကျယ်ဝန်းသော ဘားအံစက်မှုဇုံကို စက်မှုလုပ်ငန်းအတွက် ဖွံ့ဖြိုးရေးနေရာသစ်၊ အထူးသဖြင့် စက်ပျိုးရေးလုပ်ငန်းများနှင့် လုပ်သားအင်အားကို အားပြု၍ လုပ်ကိုင်သည့် စက်မှုလုပ်ငန်းများအတွက် နေရာအဖြစ် ရွေးချယ်ထားခြင်းဖြစ်ပါတယ်။
အာရှဖွံ့ဖြိုးရေးဘဏ်မှ ကရင်ပြည်နယ်အတွင်းရှိ အိန္ဒု နှင့် ကော့ကရိတ်ကြား ၆၆ ကီလိုမီတာ လမ်းပိုင်းအဆင့်မြှင့်တင်ရန်အတွက် (အမေရိကန်ဒေါ်လာ သန်း ၁၀၀ တန်ဖိုးရှိ) ဘဏ္ဍာရေးဆိုင်ရာ ပံ့ပိုးနေပါတယ်။ ယင်းလမ်းပိုင်း ပြီးစီးသွားပါက ထိုင်းနယ်စပ်ရှိ မြဝတီမြို့သို့ သွားရောက်ရာတွင် ကြာချိန်ကို လျှော့ချပေးနိုင်မှာဖြစ်ပါတယ်။
ဘားအံမြို့တွင် ဘုရင့်ညီဂူ၊ လုမ္ဗိနီဥယျာဉ်၊ ကန်သာယာကန်၊ ကော့ကသောင်ဂူများ၊ ကော့ဂွန်းဂူ၊ ကရင်ယဉ်ကျေးမှုပြတိုက်၊ ကျောက်ကလပ် ဘုန်းတော်ကြီးကျောင်း၊ ဇွဲကပင်တောင်၊ ဆဒ္ဒါန်ဂူ၊ ရွှေရင်မျှော် ဘုရား၊ ရသေ့ပြန်ဂူ အစရှိသော စိတ်ဝင်စားဖွယ်နေရာ များစွာရှိပါတယ်။